Qaydalar və İstifadə Şərtləri

Versiya 1.2 · Əlaqə: admin@tamnam.com

⚠ Maliyyə təhlükəsizliyi. Bank kartı nömrəsini, CVV/CVC kodunu, SMS və təsdiq kodlarını, internet-bank parolunu heç kimlə paylaşmayın. Saytın əməkdaşları sizdən heç vaxt belə məlumat istəməz. Tanış olduğunuz şəxsə pul göndərməyin, investisiya, kriptovalyuta və ya "təcili yardım" təkliflərinə inanmayın.

1. Ümumi müddəalar

Saytdan yalnız 18 yaşı tamam olmuş şəxslər istifadə edə bilər. Qeydiyyatdan keçməklə siz bu şərtləri oxuduğunuzu və tam qəbul etdiyinizi təsdiq edirsiniz. Qəbul etmirsinizsə, saytdan istifadə etməyin.

2. Hesab

Məlumatlarınız (ad, doğum tarixi, şəkil) doğru olmalıdır; bir şəxs yalnız bir hesab aça bilər.
Qeydiyyat üçün login, parol, cins və doğum tarixi kifayətdir. Email isteğe bağlıdır; emailini təsdiqləyən hesablar anketdə "təsdiqli hesab" nişanı alır. Emaili təsdiqlənməyən hesabda parolu unutsanız bərpa mümkün olmaya bilər.
Parolunuzu qoruyun və heç kimə verməyin. Hesabınızdakı bütün hərəkətlərə siz cavabdehsiniz.
Başqasının adından və ya şəklindən istifadə etmək qadağandır.

3. Qadağan olunan davranış

Təhqir, təhdid, təqib, şantaj, nifrət çağırışı, zorakılıq təbliği.
Çılpaqlıq, pornoqrafik, zorakı və ya qanunsuz məzmun; 18 yaşdan kiçiklərin şəkilləri.
Pul istəmək, dələduzluq, saxta investisiya/kripto təklifləri, reklam, spam, xidmət satışı.
Avtomatlaşdırılmış hesablar (bot), saytın təhlükəsizliyini yoxlamaq və ya pozmaq cəhdləri.
Başqalarının şəxsi məlumatlarını (telefon, ünvan, kart və s.) icazəsiz yaymaq.

4. Şəkillər və məzmun

Yüklədiyiniz şəkil və mətnlərin hüququnun sizdə olduğunu təsdiq edirsiniz. Şəkillər moderasiyadan keçir və qaydalara uyğun gəlmədikdə təsdiqlənməyə və ya silinə bilər. Saytın bu məzmunu xidmətin göstərilməsi məqsədilə göstərmək hüququ var.

5. Şəxsi məlumatlar və məxfilik

Toplanan məlumatlar: email, ad, doğum tarixi, cins, şəkillər, anket məlumatları, təxmini məkan, mesajlar, istifadə qeydləri. Google və ya Apple ilə girişdə bu şirkətlərdən yalnız email, ad və hesab identifikatoru alınır; parolunuz bizə ötürülmür.
Məkan məlumatı yalnız məsafəyə görə axtarış üçündür; digər istifadəçilərə dəqiq koordinat deyil, təxmini məsafə göstərilir. Məkan paylaşımını açmısınızsa, sayt və ya tətbiq açıq olduqda təxminən saatda bir dəfə avtomatik yenilənir; profildən istədiyiniz vaxt söndürə bilərsiniz.
Söhbətdə "sildiyiniz" mesaj qarşı tərəfə gizlədilir, lakin təhlükəsizlik və qanuni tələblər məqsədilə sistemdə saxlana və yalnız səlahiyyətli baş administrator tərəfindən görülə bilər.
Təhlükəsizlik və moderasiya: şikayət olduqda, qaydaların pozulmasından şübhə yarandıqda və ya qanunvericilik tələb etdikdə mesajlar, şəkillər və hesab məlumatları səlahiyyətli şəxs tərəfindən yoxlana bilər. Hər belə baxış jurnala yazılır.
Məlumatlarınız üçüncü tərəflərə satılmır; yalnız qanunun tələb etdiyi hallarda səlahiyyətli dövlət orqanlarına verilə bilər.
Hesabı istədiyiniz vaxt profil səhifəsindən silə bilərsiniz. Hesab dərhal gizlədilir (adınız, mesajlarınız və matchlarınız başqalarına görünmür) və 30 gün sonra məlumatlarınız və şəkilləriniz tamamilə silinir (qanunun saxlamağı tələb etdiyi hallar istisna olmaqla). Bu müddətdə həmin email ilə yenidən qeydiyyat mümkün deyil.

6. Ödənişli planlar

VIP, Premium və Platinum planları müəyyən müddətə (30 gün) əlavə imkanlar verir. Qiymətlər, ödəniş və geri qaytarma qaydaları ödəniş zamanı ayrıca bildirilir. Plan istifadəçi qaydaları pozduğuna görə hesab bloklandıqda geri ödənilməyə bilər.

Dəvət proqramı: təsdiqli hesablar dostlarını dəvət edə bilər. Dəvət olunan şəxs hesabını təsdiqləyəndə dəvət edənə 3 günlük VIP hədiyyə olunur; bir təqvim ayında ən çox 5 dəfə. Saxta hesablar və ya sui-istifadə aşkar edilərsə hədiyyələr ləğv edilə və hesablar bloklana bilər.

7. Görüşlərin təhlükəsizliyi

İlk görüşü ictimai yerdə keçirin, yaxınlarınıza xəbər verin, tanımadığınız şəxsin maşınına minməyin. Saytda tanış olduğunuz şəxslərlə bütün münasibətlərə görə yalnız siz məsuliyyət daşıyırsınız.

8. Məsuliyyətin məhdudlaşdırılması

Xidmət "olduğu kimi" təqdim olunur; fasiləsiz və xətasız işləyəcəyinə zəmanət verilmir. Sayt rəhbərliyi və əməkdaşları qanunun icazə verdiyi maksimum həddə: istifadəçilərin davranışına, onlayn və ya oflayn görüşlərə, istifadəçilərin təqdim etdiyi məlumatların düzgünlüyünə, istifadəçilərin öz hərəkətləri (o cümlədən kart və ya pul məlumatlarını paylaşması) nəticəsində yaranan maddi və mənəvi zərərə, dolayı və nəticə zərərlərinə, texniki nasazlıq, hücum və ya fors-major hallarından yaranan itkilərə görə məsuliyyət daşımır.

9. Təzminat

Bu qaydaları pozmağınız nəticəsində sayta və ya üçüncü şəxslərə dəyən zərər və irəli sürülən iddialara görə məsuliyyət sizin üzərinizdədir.

10. Hesabın dayandırılması

Qaydaların pozulması halında hesab xəbərdarlıqsız məhdudlaşdırıla və ya bloklana bilər. Saytdan istifadəyə qadağa qoyulmuş şəxs yeni hesab aça bilməz.

11. Şikayət və dəyişikliklər

Pozuntu gördükdə profildəki ⚑ düyməsi ilə şikayət edin və ya admin@tamnam.com ünvanına yazın. Şərtlər dəyişdikdə versiya artırılır və istifadəyə davam etmək üçün yeni versiyanı qəbul etməyiniz tələb olunur.